Gŵyl Tŷ Allan FWY – Haf o Hwyl

Mae Gŵyl Tŷ Allan YN FYW Actifyddion Artistig yn dychwelyd yn 2022 yng ngŵyl Haf o Hwyl. 

Yn dilyn ‘Gwên o Haf’ a ‘Gaeaf Llawn Lles’ y llynedd, rydyn ni’n falch o gael ein comisiynu unwaith eto gan Gyngor Caerdydd, trwy brosiect Caerdydd sy’n Dda i Blant a Dinasoedd a Chymunedau UNICEF, i guradu a chynnal rhaglen gelfyddydau a diwylliant i blant a phobl ifanc y ddinas, wedi’i hariannu gan Lywodraeth Cymru. #HafoHwyl.

Chwarae, Archwilio, Creu a Thyfu!

Drwy gydol mis Gorffennaf ac Awst, mae Actifyddion Artistig yn gweithio gyda phartneriaid ledled y ddinas i gynnal ystod o ddigwyddiadau celfyddydol a gweithgareddau i blant, pobl ifanc a theuluoedd rhwng 0 a 25 oed. Ein prif ddigwyddiad fydd Gŵyl Tŷ Allan YN FYW yng ngŵyl ‘Haf o Hwyl’ ar lawnt Neuadd y Ddinas, lle bydd rhaglen lawn o weithgareddau celfyddydol ac adloniant rhwng 23 Gorffennaf a 7 Awst.  

‘Allwn ni ddim aros i ddechrau ein rhaglen o weithgareddau creadigol, digwyddiadau a pherfformiadau i blant a phobl ifanc o bob oed. Ers haf diwethaf, rydyn ni wedi parhau i ddatblygu ein partneriaethau gyda sefydliadau allweddol ar draws y ddinas. Mae ganddon ni i gyd un nod cyffredin, sef cefnogi teuluoedd, plant a phobl ifanc drwy gynnig cyfleoedd amrywiol i chwarae, archwilio, creu a thyfu, a gobeithiwn y bydd yn dod yn dod â llawenydd, yn gwella llesiant, datblygiad cymdeithasol, a chymaint mwy.’ Bryony Harris, Cyfarwyddwr Rhaglen Ymddiriedolaeth Actifyddion Artistig.

Ynghyd â hyn, byddwn ni hefyd yn mynd i ganolfannau cymunedol, canolfannau ieuenctid, a chanolfannau hamdden ar draws Caerdydd i gynnig mwy o  weithgareddau celfyddydol hwyliog sy’n addas i blant o bob oed. 

Gallwch archebu tocynnau i’r ŵyl bythefnos o hyd, Haf o Hwyl, drwy wefan #CaerdyddSynDdaiBlant: Haf o Hwyl : Child Friendly Cardiff

Mae rhagor o fanylion am raglen lawn Gŵyl Tŷ Allan YN FYW ar gyfer Gŵyl Haf o Hwyl i ddod yn fuan, ynghyd ag amserlen o weithgareddau ar safle’r ŵyl, sef lawnt Neuadd y Ddinas. www.artsactive.org.uk .

Mae’n bryd cael ychydig o hwyl yr haf yma!