Cyfres Glasurol Caerdydd – Actifyddion Artistig

Ydych chi’n unigolyn creadigol, brwdfrydig a threfnus gydag angerdd am gerddoriaeth glasurol ac ymgysylltu gan ddefnyddio’r celfyddydau? Rydyn ni’n chwilio am Gynorthwyydd Marchnata i ymuno â’n tîm Cyfres Glasurol Caerdydd yn Actifyddion Artistig, gan gefnogi’r gwaith o hyrwyddo amrywiaeth o brosiectau a chyngherddau ysbrydoledig ledled Caerdydd.

Mae Cyfres Glasurol Caerdydd yn cynnig profiadau cerddorol diddorol i oedolion a phobl ifanc, gan gynnwys gweithdai rhyngweithiol, datganiadau a chyngherddau mewn lleoliadau lleol ledled Caerdydd.

Ein nod yw ysbrydoli cynulleidfaoedd newydd a chefnogi dysgu creadigol trwy gerddoriaeth. Rydyn ni’n chwilio am rywun sy’n rhannu’r weledigaeth hon ac sy’n awyddus i ddatblygu eu sgiliau marchnata mewn amgylchedd bywiog, sy’n canolbwyntio ar y celfyddydau.

Cyfrifoldebau’r Rôl

Fel Cynorthwyydd Marchnata, bydd eich cyfrifoldebau allweddol yn cynnwys:

• Creu a dylunio asedau marchnata ar gyfer llwyfannau digidol a phrint (graffeg cyfryngau cymdeithasol, taflenni, cylchlythyrau, posteri, rhaglenni)
• Ysgrifennu a golygu copïau hyrwyddo ar gyfer gwefannau, datganiadau i’r wasg, rhestrau digwyddiadau, cylchlythyrau, a chyfryngau cymdeithasol
• Cynorthwyo’r gwaith o gynllunio a chyflawni ymgyrchoedd marchnata ar gyfer digwyddiadau a chyfresi unigol
• Cynorthwyo diweddariadau i sianeli cyfryngau cymdeithasol (Instagram, Facebook) gyda chynnwys diddorol a pherthnasol
• Rheoli a diweddaru rhestrau postio a llwyfannau cylchlythyrau (e.e. Mailchimp)
• Cefnogi hyrwyddo digwyddiadau ac ymgysylltu â’r gynulleidfa cyn, yn ystod ac ar ôl digwyddiadau
• Tynnu lluniau a ffilmio cynnwys fideo yn ystod gweithdai a chyngherddau at ddefnydd marchnata yn y dyfodol
• Cynnal ymchwil cynulleidfa a chasglu adborth

• Cynorthwyo tasgau gweinyddol yn ymwneud â marchnata a chyflwyno digwyddiadau
• Gweithio ochr yn ochr â Swyddog Marchnata a Chyfathrebu Actifyddion Artistig ac adrodd yn uniongyrchol i’r Dirprwy Reolwr Cymunedau, Dysgu a Phartneriaethau

Yr hyn rydyn ni’n chwilio amdano:

Hanfodol:

• Profiad mewn gweinyddu a/neu farchnata’r celfyddydau
• Hyfedr mewn defnyddio meddalwedd dylunio a gweinyddol (e.e. Canva, Adobe Suite, Microsoft Office)
• Profiad o gynhyrchu deunyddiau a chynnwys marchnata ar gyfer gwahanol lwyfannau
• Agwedd gyfeillgar, broffesiynol a hawddgar
• Argaeledd hyblyg, gan gynnwys rhai nosweithiau neu benwythnosau ar gyfer digwyddiadau
• Agwedd ragweithiol sy’n canolbwyntio ar atebion
• Y gallu i weithio’n annibynnol a chydweithio mewn tîm
• Bod dros 18 oed

Dymunol:

• Gradd mewn Cerddoriaeth, Rheoli’r Celfyddydau, Marchnata, neu faes cysylltiedig
• Profiad blaenorol mewn marchnata celfyddydau neu gyfathrebu yn y sector diwylliannol
• Profiad o weithio ar brosiectau addysgol neu gymunedol
• Diddordeb mewn cerddoriaeth glasurol ac addysg gerddoriaeth
• Gwiriad GDG cyfredol
• Sgiliau Cymraeg (llafar neu ysgrifenedig)

Mae hwn yn gyfle gwych i fod yn rhan o dîm creadigol a chefnogol, cyfrannu at fywyd diwylliannol Caerdydd, a datblygu profiad marchnata gwerthfawr yn sector y celfyddydau.

Patrymau Gweithio Enghreifftiol

• Un diwrnod yr wythnos
• Dau hanner diwrnod yr wythnos

Mae’r rôl hon yn rhedeg yn bennaf o fis Hydref 2025 i fis Gorffennaf 2026, gyda’r potensial ar gyfer cyfleoedd parhaus yn rhaglenni Cyfres Glasurol Caerdydd yn y dyfodol.

Sut i Wneud Cais

Mae hwn yn gyfle â thâl, gydag oriau a ffioedd i’w trafod yn ystod y broses ymgeisio.

I wneud cais, anfonwch eich CV a llythyr eglurhaol byr yn esbonio pam mae gennych ddiddordeb yn y rôl hon i: Rhian.Workman@caerdydd.gov.uk erbyn 3 Hydref 2025.

Byddwn yn gwahodd ymgeiswyr ar y rhestr fer i fynychu cyfweliad anffurfiol fel rhan o’r broses ddethol.