Ein Cefndir
Ymddiriedolaeth elusennol annibynnol yw Ymddiriedolaeth Actifyddion Artistig, a’i nod yw helpu pobl i fwynhau’r celfyddydau drwy ei rhaglen o weithgareddau creadigol a chyfranogol yng Nghaerdydd a’r cylch.
Ein gweledigaeth
Drwy raglen gynhwysol a hygyrch o weithgareddau a chyfleoedd artistig sydd o fudd i amrywiaeth eang o bobl a chymunedau, nod ein gwaith yw helpu pobl i ddysgu’n well, grymuso cymunedau, gwella bywydau a lles, ehangu gorwelion, a chreu gwell canlyniadau bywyd i bobl.
Ein cenhadaeth
Ennyn diddordeb ein cymunedau lleol drwy gynlluniau a gweithgareddau sy’n bywiogi’r dychymyg ac yn ysgogi’r enaid. Annog pobl o bob oed i fwynhau cymryd rhan mewn gweithgareddau celfyddydol, gan roi profiadau dysgu hygyrch, lleol a gweddnewidiol sydd wedi’u seilio ar y celfyddydau.
Ein gwaith
Rydyn ni’n darparu rhaglen feiddgar o weithgareddau creadigol i’n holl gymunedau ledled Caerdydd a rhanbarth y de, gan roi pwyslais penodol ar bobl ifanc a grwpiau sy’n cael eu tangynrychioli ac sy’n agored i niwed. Rhan bwysig o’n gwaith, y tu hwnt i ddarparu gweithgareddau, yw cefnogi a chyfeirio pobl at gyfleodd i ymwneud â gweithgareddau creadigol. Rydyn ni’n credu bod gwerth mewn ymwneud â chreadigrwydd ar bob lefel, gan y bydd yn ysgogi pobl i gynhyrchu’n greadigol ac i gymryd rhan yn y celfyddydau yng Nghymru. Ond mae iechyd a lles ein cymunedau yn y dyfodol yn bwysig hefyd – yn gynulleidfaoedd, yn gefnogwyr brwd, yn arweinwyr ac yn rhanddeiliaid – wrth ymwneud â’r rhan hollbwysig hon o hunaniaeth a bywyd diwylliannol Cymru.
Pwy ydyn ni
-
Bryony Harris
Rheolwr Cymunedau, Dysgu a Phartneriaethau Neuadd Dewi Sant, Caerdydd, a Chyfarwyddwr Rhaglenni ac Ysgrifennydd Ymddiriedolaeth Actifyddion ArtistigFi yw’r Rheolwr Cymunedau, Dysgu a Phartneriaethau Neuadd Dewi Sant, Caerdydd, a Chyfarwyddwr Rhaglenni ac Ysgrifennydd Ymddiriedolaeth Actifyddion Artistig. Mae fy nghefndir mewn hanes celf, celf a Saesneg. Yn blentyn, roeddwn i’n ddawnswraig bale frwd, ond golygodd salwch yn fy arddegau i mi orfod cefnu ar fy mreuddwydion yn y maes hwnnw. Dyma pryd ddysgais i drosof fy hun sut y gall creadigrwydd roi sylfaen i’ch lles cyffredinol ac i’ch ymdeimlad o bwy ydych chi. Rydw i’n goruchwylio’r broses o ddatblygu Actifyddion Artistig o safbwynt creadigol a safbwynt busnes, ynghyd â rhoi gweledigaeth Ymddiriedolaeth Actifyddion Artistig ar waith.
Rhian Workman
Dirprwy Reolwr Cymunedau, Dysgu a Phartneriaethau Neuadd Dewi SantRydw i’n gweithio gyda Bryony Harris i ddylunio, rhaglennu a chynnal prosiectau Actifyddion Artistig. Mae gen i gefndir mewn cerddoriaeth fel perfformwraig, athrawes ac arweinydd gweithdai, ac rydw i’n frwd dros wneud y celfyddydau yn agored ac yn hygyrch i bawb.
Suzanne Smart
Cynorthwyydd Cymunedau, Dysgu a Phartneriaethau yn Neuadd Dewi SantRydw i’n cyfrannu at y gwaith trefnu ac yn sicrhau bod amrywiaeth o brosiectau’n mynd rhagddyn nhw’n ddirwystr, gan gynnwys Soundworks, Open Orchestras, Cyfansoddwyr Ifanc a Phrom Tidli. Rydw i hefyd yn rhoi cymorth cyffredinol i’r holl dîm, gan roi help llaw pan fydd galw. Ar brydiau, fe fydda’ i hyd yn oed yn cael cyfrannu fy sgiliau fel cerddor, sy’n dipyn o hwyl!
Patricia O’Sullivan
Cydlynydd Marchnata a Chyfathrebu Llawrydd i Actifyddion ArtistigRydw i wedi gweithio yn y celfyddydau ers dros 30 mlynedd, gan gynnwys gyda nifer o sefydliadau, lleoliadau a chwmnïau celfyddydol yng Nghymru. Mae llawer o fy ngwaith wedi cynnwys prosiectau celfyddydol cymunedol a chyfranogol, a phrosiectau sy’n golygu ymwneud â phobl, gyda phwyslais penodol ar addysg, cynhwysiant, amrywiaeth a lles. Fi sy’n rheoli’r gwaith marchnata a chyfathrebu i holl brosiectau Actifyddion Artistig ac Ymddiriedolaeth Actifyddion Artistig, gyda chymorth tîm Actifyddion Artistig. Ar hyn o bryd, rydw i’n un o Ymddiriedolwyr y Tin Shed Theatre Company, cwmni theatrig o arloeswyr creadigol, gwneuthurwyr ac artistiaid llawrydd, a hwnnw’n arbenigo mewn gweithgarwch celfyddydol a darpariaeth allgymorth creadigol yng Nghymru. Yn fy amser hamdden, rydw i’n hoff iawn o ddylunio mewnol.
Bwrdd Ymddiriedolwyr Actifyddion Artistig
Mae Bwrdd yr Ymddiriedolwyr yn cyfrannu sgiliau eang iawn at waith y sefydliad. Mae’r Ymddiriedolwyr yn unigolion ymroddedig, ac mae ganddyn nhw i gyd gysylltiadau a diddordebau yn y sector creadigol.
-
David Baxter
ChairRheolwr prosiectau celfyddydol, cynhyrchydd ac ymgynghorydd llawrydd yw David. Tan yn
ddiweddar, David oedd Rheolwr Cyffredinol Theatr Borough yn y Fenni i Gyngor Sir Fynwy,
a chyn hynny bu’n Bennaeth Actifyddion Artistig, sef uned ymgysylltu â chynulleidfa,
cymuned ac addysg yn Neuadd Dewi Sant a’r Theatr Newydd, Caerdydd, am flynyddoedd
lawer.Rosie Sweetman
Hyfforddwr, Hwylusydd ac Ymgynghorydd GweithredolMae Rosie yn hwylusydd ac yn Hyfforddwr Gweithredol Proffesiynol cymwysedig ac achrededig sy’n gweithio gydag arweinwyr ar draws sector y celfyddydau, y trydydd sector a’r sector preifat. Sefydlodd y gorfforaeth B glodwiw, Sweetmans and Partners, yn 2016, ar ôl bod â swyddi datblygu busnes blaenorol yn Arts&Business, Grant Thornton, ac yn fwyaf diweddar roedd yn Gyfarwyddwr ar Business in the Community Cymru.
Catherine Nightingale
Pennaeth Llywodraethu, Y Gwasanaeth Gwirfoddol Brenhinol CymreigTreuliodd Catherine lawer o flynyddoedd fel cyfreithiwr mewn practis preifat, ac mae bellach yn gweithio mewn swydd lywodraethu i elusen wirfoddoli genedlaethol. Yn ogystal â’i swydd fel Ymddiriedolwr yn Actifyddion Artistig, mae Catherine hefyd yn Ymddiriedolwr ar gyfer Bwrdd Cyllid Esgobaeth Llandaf ac yn cefnogi elusennau lleol eraill sy’n gweithio i drawsnewid bywydau menywod a merched. Mae Catherine yn byw yng Nghaerdydd gyda’i gŵr a’i merch.
Brian Weir
Cyfarwyddwr Profiad Myfyrwyr, Coleg Brenhinol Cerdd a Drama CymruYn Gyfarwyddwr Gweinyddiaeth Academaidd a Phrofiad Myfyrwyr yng Ngholeg Brenhinol Cerdd a Drama Cymru, mae gan Brian Weir, sydd wedi graddio mewn cerddoriaeth, dros ugain mlynedd o brofiad yn gweithio ym maes addysg y celfyddydau. Mae ei feysydd arbenigol yn cynnwys ehangu cyfranogiad, cydraddoldeb ac amrywiaeth, diogelu, cymorth dysgu arbenigol a llywodraethu elusennol. Mae’n aelod o Uwch Dîm Rheoli’r Coleg, ac mae hefyd yn Ymddiriedolwr i Gerddorfa Blant Genedlaethol Prydain Fawr ac yn Gadeirydd ar Lywodraethwyr ei ysgol gynradd leol.
Caerdydd Glasurol
Ymunwch â’n rhestr bostio er mwyn cael mwy o wybodaeth am holl weithgareddau Actifyddion Artistig, gan gynnwys ein cyngherddau cerddoriaeth glasurol ar draws Caerdydd.
Cofrestrwch nawr