Ar hyn o bryd, mae Soundworks, ein gweithdai creu cerddoriaeth yn ystod y tymor ar gyfer oedolion ag anableddau dysgu ac awtistiaeth, yn cael eu cynnal yng Nghanolfan Hamdden y Gorllewin Better Caerdydd.  Mae’r sesiynau cerddoriaeth cynhwysol hyn yn annog cyfranogwyr i archwilio synau, rhythmau ac offerynnau mewn gofod anffurfiol, hygyrch a diogel.  Yn ystod y sesiynau, bydd cyfranogwyr yn archwilio blociau adeiladu sylfaenol cerddoriaeth gyda chefnogaeth ac anogaeth eu gofalwyr.  Mae’r gweithdai hefyd yn cynnig cyfle i ofalwyr ddatblygu sgiliau wrth ddefnyddio cerddoriaeth i adeiladu lefelau rhyngweithio cymdeithasol, sgiliau cyfathrebu a hyder eu cleientiaid.  

Gofod creadigol difyr, cyfeillgar ac AM DDIM i’w fynychu!

Mae dwy sesiwn: 11am – 12.30pm a 1pm – 2:30pm.

Cynhelir sesiynau yng Nghanolfan Hamdden y Gorllewin, Trelái, Caerdydd.

Mae croeso i aelodau newydd bob amser, cysylltwch â ni drwy e-bost a2@artsactive.org.uk

Soundworks IEUENCTID

Mae cerddoriaeth yn cael effaith mor bwerus ar ddatblygiad. Mae ein rhaglen Ieuenctid Soundworks yn cynnig sesiynau creu cerddoriaeth rheolaidd i blant ag anghenion dysgu ychwanegol, sydd ar hyn o bryd mewn ysgolion prif ffrwd, a’u canolfannau mynediad / canolfannau adnoddau arbenigol.  

Trwy weithio ar flociau adeiladu cerddorol a meithrin sgiliau fel cydsymud dwylo a llygaid a galluoedd gwybyddol, mae’r sesiynau hyn hefyd yn helpu i wella sgiliau rhyngweithio cymdeithasol, datblygu cyfeillgarwch, hunanymwybyddiaeth, hunan-barch ac annibyniaeth. Mae athrawon a staff cymorth yn cymryd rhan weithredol drwy gydol y sesiynau ac yn ennill sgiliau creu cerddoriaeth newydd yn ogystal â gwell dealltwriaeth o sut y gall ymgysylltu â cherddoriaeth helpu i gyfoethogi a gwella bywydau eu disgyblion ac effeithio’n gadarnhaol ar eu cerrig milltir cymdeithasol a datblygiadol.