Ar 7 Awst 2026, daeth grŵp o blant 10 – 13 oed at ei gilydd ar gyfer cwrs Cyfansoddwyr Iau cyntaf erioed Actifyddion Artistig. Mae Cyfansoddwyr Iau yn gangen newydd o Gyfansoddwyr Ifanc; cwrs i bobl 14 – 18 oed y mae Actifyddion Artistig wedi bod yn ei ddarparu ers 2014. Crëwyd y cwrs mewn ymateb i alw mawr am fersiwn o Gyfansoddwyr Ifanc ar gyfer plant iau.

Cafodd y cwrs ei gynnal yng Nghanolfan Gelfyddydau Chapter a’i arwain gan y gyfansoddwraig broffesiynol ac arbenigwraig gamelan, Helen Woods. Cafodd y myfyrwyr eu cyflwyno i offerynnau gamelan ac fe wnaethant ddysgu sut i chwarae gangsaran traddodiadol o Java, cyn cymryd rhan mewn ymarfer grŵp i greu cerddoriaeth. Dilynwyd hyn gan ymarfer i feddwl am deitl ar gyfer cyfansoddiad newydd i weithio arno. Y teitl canlyniadol oedd Flamboyant, Red-Hot, Pink Lego! Yna rhannwyd y grŵp yn dri grŵp llai, pob un â’r dasg o greu naill ai dechrau, canol neu ddiwedd y darn. Yna daeth pawb yn ôl at ei gilydd i weithio ar roi’r tair rhan at ei gilydd i greu’r gân derfynol. Ar ddiwedd y dydd, cafodd y darn ei berfformio i rieni’r plant a’i recordio. Yn ddiweddarach golygodd Helen y recordiad ac fe’i hanfonwyd at y plant i wrando arno.

Disgrifiodd y plant y cwrs fel ‘addysgol’, ‘eithaf da’, ‘hwyl’ a ‘chyffrous’ a gwnaeth y sylwadau canlynol:

“Dysgais i lawer mewn dim ond pum awr.”

“Byddwn i’n ei wneud bob dydd.”

“Roeddwn i wrth fy modd â’r sesiwn, roedd y bobl yn neis iawn ac mae’r offerynnau yn hwyl iawn!!” Darganfyddwch ragor am raglen gamelan Actifyddion Artistig yma