Dewch i ddianc o’ch diwrnod gyda chyngherddau amser cinio

Chwilio am y seibiant delfrydol yng nghanol wythnos? Ewch allan o’r swyddfa, i galon y ddinas, a gadewch i gerddoriaeth glasurol fyw adfywio’ch diwrnod gyda Chyfres Cyngherddau Amser Cinio Clasurol Caerdydd, sy’n dychwelyd ar gyfer tymor 25/26.

Er bod Neuadd Dewi Sant ar gau dros dro, mae Actifyddion Artistig yn falch o barhau i ddod â cherddoriaeth glasurol o safon uchel i gynulleidfaoedd Caerdydd yn Eglwys Dewi Sant ar Gilgant Eglwys Andreas – dafliad carreg o ganol y ddinas.

Dewch o hyd i’r lleoliad ar Google Maps

Blas o’r Tymor

Yn cael eu cynnal ar ddydd Mawrth cyntaf pob mis, mae’r cyngherddau amser cinio 1 awr hyn yn cynnig rhywbeth at ddant pawb – o selogion cerddoriaeth glasurol hirdymor i’r rhai sy’n chwilfrydig am y fath hon o gerddoriaeth. Mae pob cyngerdd yn brofiad wedi’i guradu, sy’n cyfuno perfformiadau gan artistiaid a gydnabyddir yn rhyngwladol, gyda lleisiau newydd cyffrous sy’n dod  o Gymru a thu hwnt.

Yn dilyn tymor cyffrous 24/25 a oedd yn cynnwys artistiaid fel y delynores o Gymru Alis Huws, Ensemble Galliard, Pedwarawdau Mavron a Ferio, London Winds, a’r offerynnwr taro addawol Jordan Ashman, mae’r tymor newydd yn addo perfformiadau hyd yn oed mwy bythgofiadwy.

P’un a ydych chi’n hoffi pedwarawdau llinynnol, chwythbrennau anhygoel, neu ddatganiadau unigol, Caerdydd Glasurol yw eich cyfle i brofi cerddoriaeth o’r safon uchaf – i gyd yn ystod eich awr ginio.

Tocynnau

Mae tocynnau ar gael ymlaen llaw trwy Ticket Source, neu wrth y drws (arian parod neu gerdyn)

Mae prisiau fforddiadwy a lleoliad canolog yn ystod y dydd yn gwneud y gyfres hon yn hygyrch i bawb, heb heriau teithio gyda’r nos. Mae’n ffordd wych o gyflwyno ffrindiau, teulu neu gydweithwyr i gerddoriaeth glasurol fyw – neu yn syml i drin eich hun i awr o ddihangfa gerddorol.

Gwrandewch y tu hwnt i’r cyngerdd

Eisiau dysgu mwy am y gerddoriaeth a’r cerddorion? Mae ein Podlediad Caerdydd Glasurol, a gyflwynir gan Dr Jonathan James, yn gydymaith perffaith i’r gyfres. Mae pob pennod fywiog yn plymio i mewn i’r repertoire cyngherddau, yn cynnwys cyfweliadau artistiaid unigryw, ac yn dod â chi’n agosach at y straeon y tu ôl i’r sain.

Pam Caerdydd Glasurol?

Nid digwyddiad calendr yn unig yw’r gyfres o gyngherddau amser cinio – mae’n llwyfan ar gyfer cefnogi talent sy’n dod i’r amlwg, gofod ar gyfer cysylltiad cynulleidfa, a dathliad o bŵer parhaol cerddoriaeth glasurol. Fel rhan o arlwy diwylliannol bywiog Caerdydd, mae’r gyfres hon yn helpu i gadw cerddoriaeth glasurol fyw yn ffynnu yn y ddinas – hyd yn oed tra bod lleoliadau mawr yn cael eu newid.

Ymunwch â ni bob mis yn Eglwys Dewi Sant a mwynhewch angerdd ac egni cerddoriaeth glasurol fyw. Dewch i ddianc am ychydig yng nghanol eich diwrnod.