Mae ein rhaglen Pobl Greadigol Ifanc yn rhaglen amrywiol, archwiliadol, arloesol ac arbrofol o weithgareddau gyda phobl ifanc ac ar gyfer pobl ifanc.
Pwnc Llosg
Ymchwil a Datblygu rhaglen Ystafelloedd Darllen Cymru
‘Mae’r Ystafelloedd Darllen yn brofiad unigryw lle rydyn ni’n rhan o ddewis llyfrau/awduron ac arwain y sgwrs wrth hwyluso’r digwyddiadau. Dydw i ddim yn darllen yn aml iawn, ond mae hwyluso yn fy ngalluogi i i gysylltu’n ddwys gyda’r testun a datblygu sgiliau newydd a chynnal sgwrs ddyfnach.’ Shoruk Nekab.
Nod yr Ystafelloedd Darllen yw creu gwahaniaeth cadarnhaol a pharhaus mewn cymdeithas drwy rymuso pobl ifanc â sgiliau dinesig, meddwl beirniadol, a’r gallu i gymryd rhan mewn dadleuon ac areithio.
Yn PWNC LLOSG rydym yn ymdrechu i feithrin cyfleoedd i chi gymryd rhan mewn deialogau bywiog sy’n mynd i’r afael â materion cyfoes, p’un a ydych chi’n gyfarwydd iawn â’r pwnc neu’n dod ar ei draws am y tro cyntaf
Rydym yn cynnal digwyddiadau Ystafelloedd Darllen gydag awduron cyhoeddedig drwy gydol y flwyddyn
Pobl Pwnc Llosg
Mae pobl Pwnc Llosg yn gydweithfa o ymgyrchwyr diwylliannol o Gymru wedi’u hysgogi gan ddadl feirniadol a newid cadarnhaol.
Fel cydweithfa rydym am ailddychmygu’r posibiliadau ar gyfer ein dyfodol, ochr yn ochr â’n cymunedau, er mwyn datgelu gyda’n gilydd sut y gallem wireddu’r dyfodol rydyn ni ei eisiau.
Rydym yn dod o wahanol gefndiroedd, diddordebau, gwaith ac arferion.
Mae ein gwaith fel unigolion y tu allan i Bwnc Llosg yn ymestyn ar draws gwleidyddiaeth, pensaernïaeth, celfyddydau gweledol, barddoniaeth, theatr, creu podlediadau, cerddoriaeth, y gyfraith a mwy.
Rydym yn cael ein hysgogi gan y cyfleoedd sy’n cael eu hamlygu trwy gydgyfeirio ein profiadau byw, a’r mewnwelediadau a gawn trwy ein mentrau eraill.
Ni fyddai ein prosiectau yn bosib heb ein sefydliad lletyol, Ymddiriedolaeth Actifyddion Artistig, a’r model dysgu arbrofol, a arweinir gan y celfyddydau, a ddatblygwyd gan yr ymgyrchwyr sy’n ysgolheigion Stephanie Bolt ac Eric Lesdema, y daeth Ystafell Ddarllen Pwnc Llosg, ar ei ffurf gyntaf, i’r amlwg.